Тедеско Ўруновни ҳимояда ўйнатмоқчи

Россия премьер-лигасининг 16-турида “Спартак” ўз майдонида “Ротор” жамоасини қабул қилади. Ушбу учрашув ўзбекистонлик футбол мухлислари учун алоҳида аҳамият касб этади. Чунки мезбонлар сафида Остон Ўрунов майдонга тушиши мумкин. Волгоград клубининг мураббийлар штабида эса Ўзбекистон терма жамоаси тарихидаги энг зўр тўпурар Максим Шацких фаолият юритмоқда.

Ушбу учрашув олдидан “Спартак” бош мураббийи Доменико Тедеско таркибда жароҳатини даволатаётган Соболев ва тўрт маротаба огоҳлантириш олган Айртондан бошқа барча футболчилар ўйинга шай эканини айтиб ўтди.

Шунингдек, германиялик мураббий бразилиялик ҳимоячи Айртоннинг ўрнини қандай тўлдириши борасида ҳам фикр билдирди.

- Машғулотлар жараёнида чап қанот ҳимоясидаги бўшлиқни тўлдириш учун  турли вариантларни синаб кўрдик. Бу позицияда Остон Ўрунов, Роман Зобнин, Андрей Ешченко ва Степан Огонесян ўйнай олади. Ўйиндан олдин яна битта машғулот бор. Шундан сўнг, Айртоннинг ўрнини ким эгаллаши маълум бўлади, - деди Тедеско.

“Спартак” – “Ротор” учрашуви  29 ноябрь куни Тошкент вақти билан 21:00да бошланади.

Ўруновнинг “танка”сидан ваколатлар олинди. Энди нима бўлади?

“Спартак” қишда Крал ва Уруновни сотмоқчи. Клуб улардан бирининг нархини айтди

Ўрунов ўйнаётган таркиб дунёда энг қимматлар рейтингига кирди