Теннис маликалари 2 май кунига қадар таътилга чиқди

Хотин-қизлар теннис уюшмаси (WTA) жорий йилнинг 2 май кунига қадар барча турнирларни ўтказмасликка қарор қилди.

 

Ташкилотнинг бундай қарорга келишига дунёни ташвишга солаётган коронавирус пандемияси сабаб бўлди. WTA аёллар ўртасидаги илк турнирни 2-9 май кунлари Мадрид шаҳрида ўтказишни режалаштирган. Аммо вирус тарқалишда давом этса, мусобақалар яна номаълум муддатга қолдирилади.

 

Эслатиб ўтамиз, коронавирус сабаб, ATP ҳам олти ҳафтага барча турнирларни тўхтатиб қўйди.