Терма жамоамиз "Губернатор кубоги"да биринчи ёхуд Рой Жонс ташриф буюрган финал кечасидан фоторепортаж
Жаҳоннинг беш қитъасида жойлашган 16 мамлакатдан ташриф буюрган 126 нафардан зиёд чарм қўлқоп усталари 5 кун мобайнида совринли ўринлар учун кураш олиб боришди.
Ўнинчи маротаба ташкил этилган мазкур мусобақада Ўзбекистон терма жамоаси боксчилари ҳам иштирок этишди ва турнир якунига кўра учта олтин медаль қўлга киритган ҳолда, умумжамоа ҳисобида биринчи ўринни эгаллашди.
Вакилларимиздан Абдумалик Халаков (-56 кг), Иқболжон Холдоров (-69 кг) ва Козимбек Мардонов (-81 кг) барча рақибларини мағлуб этган ҳолда шоҳсупанинг энг юқори поғонасига кўтарилишди.
Қайд этиш жоиз, "М1 Арена"да кечган жанг кечасига олимпиада совриндори, профи боксда мутлақ жаҳон чемпиони Рой Жонс ҳам ташриф буюрди ва Иқболжон Холдоров олтин медалларни айнан Жонснинг қўлидан қабул қилиб олди.
Фото: "Санкт-Петербург Губернатори кубоги"
Фикрлар