Тезкор хабар! Самвел Бабаян "Навбаҳор" клуби бош мураббийлигига асосий номзод
"Навбаҳор" атрофида турли хабарлар янграй бошлади. Рус манбаларига таянадиган бўлсак, бош мураббий Андрей Канчельскис жамоани тарк этган эмиш. Бунга сабаб жамоадаги қарздорлик ва охирги пайтдаги натижалар.
Қизиқ томони шундаки, Хитой биринчи лигасида иштирок этувчи "Чанчунь Ятай" жамоасини бошқараётган Самвел Бабаян бирданига истеъфога чиқди. Клуб ва мураббий ўртадаги шартномани бекор қилишди. Бабаян ушбу клубни 2019 йилнинг декабрь ойидан буён бошқариб келаётганди. Бу вақт оралиғида ўзбекистонлик мутахассис қўл остида чанчунликлар 7 ўйин ўтказган ва уларнинг 4 тасида зафар қучган, 2 бор рақиблари билан муроса кўчаси танланган бўлса, 1 марта мағлубиятга учраган. Ҳозирча, Самвел Бабаяннинг нима сабабдан жамоани тарк этгани маълум эмас.
Самвел Бабаян нега бирдан истеъфога чиққани кўпчиликни қизиқтирмоқда.
SPORTS.uz сайтига маълум бўлишича, Самвел Бабаян тез орада "Навбаҳор"дан кетадиган Андрей Канчельскиснинг ўрнини эгаллаш учун асосий номзод бўлиши мумкин. Бу хабар тасдиқланмаган, бироқ мураббийлар атрофидаги воқеликлар шунга қараб кетаётгандек.
Самвел Бабаян: Энг катта орзуларимдан бири - бир кун келиб, “Навбаҳор” бош мураббийи сифатида жамоани Ўзбекистон чемпиони қилиш
Хусусан, Бабаян интервьюсида энг катта орзуларидан бири - бир кун келиб, “Навбаҳор” бош мураббийи сифатида жамоани Ўзбекистон чемпиони қилиш эканлигини айтиб ўтганди. “Навбаҳор” 1996 йили чемпион бўлганида Бабаян шу клубда фаолият юритганди. Қолаверса, Бабаян билан бир неча йил "Пахтакор"да бирга фаолият юритган Нўъмон Ҳасанов айни пайтда "Навбаҳор"да ёрдамчи мураббий. Улар биргаликда "Пахтакор"ни чемпион қилганидан келиб чиқсак, ушбу тандемнинг яна бирлашишига ишончни ошириши мумкин.
Воқеалар ривожини кузатамиз!!!
Комментарии