Тезкор хабар! Тошкент ОЧЛ ўйинларига мезбонлик қилади

Хабарингиз бор, Осиё Чемпионлар Лигаси шарқ минтақасидан ўрин олган гуруҳ баҳсларини ўтказиш бўйича юртимиз номзодлар орасида эътироф этилаётган эди.

ОФК расмий сайтининг хабар беришича, "H" ҳамда "I" гуруҳи ўйинлари марказлашган тизимда Тошкент шаҳрида ўтказилади. Мазкур ўйинлар 25-июндан 11-июлга қадар бўлиб ўтиши режалаштирилган.

Маълумот учун, "Н" гуруҳидан Япониянинг "Гамба Осака", Жанубий Кореянинг "Чонбук Моторс", Австралиянинг "Сидней" ҳамда Сингапурнинг "Тампинс Роверс" жамоалари ўрин эгаллаган.

"I" гуруҳида эса, Хитойнинг "Бэйцзин Гоань", Япониянинг "Кавасаки Фронтале" ҳамда Филиппиннинг "Юнайтед Сити" клублари жойлашган.

Шунингдек, пойтахтимиз "Тэгу" ва "Чианграй Юнайтед" жамоалари ўртасидаги плей-офф баҳсига ҳам мезбонлик қилади. Мазкур қарама-қаршилик ғолиби 4-иштирочки сифатида "I" гуруҳида қатнашади.