Тимо Вернер АПЛда ҳамюртининг қўл остида тўп суришни хоҳламоқда

"Лейпциг" ҳужумчиси Тимо Вернер фаолиятини "Ливерпул"да давом эттириши мумкин.

Bild нашри хабарига кўра, футболчи Бундеслигани тарк этадиган бўлса, унда у Юрген Клопп жамоасида тўп суриш ниятида.

Манбага кўра, немис клуби ҳам ҳужумчини қўйиб юборишга тайёр, фақат уни қўлга киритмоқчи бўлган клуб трансфер учун 60 миллион евро тўлаши керак бўлади.

Эслатиб ўтамиз, Вернерга шунингдек "Реал", "Манчестер Юнайтед", "Челси" ва "Бавария" клублари ҳам қизиқиш билдираётган эди.

Маълумот учун, Вернер жорий мавсум “РБ Лейпциг” сафида 26 та ўйинда майдонга тушди ва 25 та гол ҳамда 9 та голли узатма ёздириб қўйишга эришди.