"Токио-2020". Ўзбекистон байроқдорлари ўзгарди

Хабарингиз бор, бугун Япониянинг Токио шаҳрида XXXII ёзги Олимпия ўйинларининг тантанали очилиш маросими бўлиб ўтади. 

Олимпиада стартига бир кун қолганда Ўзбекистон делегациясининг байроқдорлари ўзгартирилди. Бу ҳақда Миллий Олимпия қўмитаси (МОҚ) бош котиби Ойбек Қосимов маълум қилди.

Қосимовнинг айтишича, байроқдорларимиз таэквондочи Нигора Турсунқулова ва боксчи Баҳодир Жалолов бўлади.

"ХОҚ тавсиясига кўра, ҳар бир давлатдан бир аёл ва бир эркак номдор спортчи байроқдор бўлади. Ўзбекистон байроқдорларини танлашда авваламбор ҳар бир спорт тури бўйича мусобақалар жадвали, қолаверса барча делегатлар ва спортчиларнинг фикрини инобатга олган ҳолда, бу вазифа боксчи Баҳодир Жалолов ва таэквондочи Нигора Турсунқуловага ишониб топширилди", - деди МОҚ бош котиби.

Аввалроқ МОҚ Токиодаги Олимпия ўйинларида Ўзбекистоннинг байроқдорлари бадиий гимнастикачи Оксана Чусовитина ва боксчи Бобоусмон Ботуров бўлиши ҳақида маълум қилганди. 

Фикрлар

Саралаш
Фикр қолдириш учун авторизациядан ўтинг!
&
Турсун Ғани
23/07/2021 14:23
Ҳей ўша санларни... Бекор қилишибди ўзгартириб... бир қарорга келишганмиди, тамомда, бир сўзли бўлиши керакда. Чусаветина ва Бобоусмонни бу ҳолат руҳиятига қаттиқ таъсир қилади. Бу аниқ, оддий бир муҳлис бўлиб мен шу нарсани билиб ҳис қилиб турибман. Нима МОҚ га юқоридан телефон бўлганми. Ҳадеб ўзгариш қиловуради. Нима кераги бор шу нарсани бошида танлашса бўлмайдими. Баходир Жалолов ва таэквандочи қиз деб. Эссиз сенларними. Неча кун хурсанд бўлган Бобоусмон ва Чусоветина энди руҳи барибир чўкадида. Хато МОҚ да. Кимгадир Янги байроқдорлар ёқса Алмаштровурасанларми, санларга қўйиб берса 1саот қолганда ҳам алмаштирасанлар. Руҳият бошқа тўйғулар 1-тиен сенлар учун бошқа нарса аҳамятли.... шуууу илллатдан сира қутилмайди шекилли Ўзбекистон....
Жавоб ёзиш