Токио-2020. Шаҳобиддин Зоиров туркиялик боксчига имкон қолдирмади. Унинг кейинги рақиби ким?

Бокс бўйича Рио-2016 чемпиони Шаҳобиддин Зоиров (-52 кг) ўз совринини ҳимоя қилишни бошлади. Вакилимиз ҳозиргина туркиялик рақибини мағлуб этди.

Тажриба ва маҳорат бобида анча устун бўлган Зоиров Батухан Чифтчига деярли имконият қолдирмади. Баҳсни бошқариб борган ҳакамларнинг барчаси Шаҳобиддиннинг ғалабасини эътироф этишди. Вакилимиз кейинги даврада Кабо-Верде вакили Давид Де Пинага қарши рингга кўтарилади.

Вакилларимиз иштирокини SPORTS.uz сайтида онлайн кузатиб боринг!