Токио губернатори 2021 йилда Олимпиадани ўтказишга ҳеч нарса тўсқинлик қила олмайди деб ҳисобламоқда

2021 йилда бўлиб ўтадиган Токио Олимпия ўйинларининг бекор қилинишига бирорта сабаб йўқ. Токио губернатори Юрико Коикэ ана шу фикрни билдирди.

Юрико Коикэнинг сўзларига кўра Токиодаги Олимпия ўйинларининг муваффақиятли ўтказилиши ва унда орттириладиган тажриба Пекин-2022 қишки ва Париж-2024 ёзги Олимпиадаларининг ташкил этилишида қўл келади.

“Токио-2020” Ташкилий қўмитаси ва Япония ҳукумати ушбу мусобақалар ўтказилишини бундан буён бошқа муддатга кўчиришни истисно этмоқдалар. Юрико Коикэ Ўйинларни ўтказишни бекор қилиш учун ҳеч бир тасодифий ҳол йўқлиги тўғрисида баёнот берди. “Жаҳон аҳли Токиодаги Олимпиадани инсоният коронавирусни енгишининг рамзи сифатида кўрмоқда. Агар Токио коронавирусга қарши ҳамма чораларни кўрмаса, тўрт йилдан кейин Парижда нима бўлади? Ўйлашимча, биз Токиода Олимпиадани муваффақиятли ўтказишимиз керак. Бу Париждаги бўлажак Ўйинларга жиддий таъсир кўрсатади”, – деди губернатор.

Токио Олимпиадаси 2020 йил 24 июль – 9 август кунлари ўтказилиши керак эди. Коронавирус пандемияси сабабли бу мусобақа бир йил кейинга кўчирилди ва 2021 йил 23 июлдан 8 августга қадар бўлиб ўтади. Бунда Ўйинларнинг “Токио-2020” расмий номи сақланиб қолади.

Фикрлар

Фикр қолдириш учун авторизациядан ўтинг!