To‘rabek Xabibullaev oltin medalni qo‘lga kiritdi!

Niderlandiya davlatida davom etayotgan boks bo‘yicha "Eyndxoven kubogi" bahslarida bugun hal qiluvchi janglar bo‘lib o‘tmoqda. Hamyurtlarimiz 100 foizlik natija bilan ushbu bosqichga etib kelishgandi.

-90 kg vaznda bo‘lib o‘tgan finalda, To‘rabek Xabibullaev vengriyalik Kiss Milanni qiyinchiliksiz mag‘lub etib, yana bir oltinni jamoamizga taqdim etdi.

Ma’lumot uchun, Abdumalik Xalokov "Eyndxoven kubogi" bahslarinung “Eng yaxshi bokschisi” deb topildi. To‘rabek Xabibullaev bo‘lsa, musobaqaning “Eng iqtidorli bokschisi” deya ta’rif etildi.