«Тоттенҳэм» 100 млн евролик ҳужумчини сотиб олмоқчи
«Тоттенхэм» 100 миллион евро тўлов мажбуриятига эга бўлган Трой Пэрроттни «Бетис»дан қайтариб олишни режалаштирмоқда.
«Тоттенхэм» ўз академияси тарбияланувчиси Трой Пэрроттни қайтариб олиш ниятида экани хабар қилинмоқда. Бу ҳақда Испаниядаги Estadio Deportivo нашри маълум берди.
Шу билан бирга, «Бетис» раҳбарияти форварднинг эҳтимолий кетиши борасида ҳеч қандай хавотирга тушмаётгани таъкидланмоқда. Сабаби, ирландиялик футболчининг шартномасида жуда юқори миқдорда тўлов мажбурияти кўрсатилган — у 100 миллион еврони ташкил қилади. Пэрроттнинг «Бетис» билан амалдаги шартномаси 2031 йилгача мўлжалланган.
Эслатиб ўтамиз, ўтган ёзда севильяликлар ёш ҳужумчини бор-йўғи 16 миллион евро эвазига сотиб олган эди. Пэрротт «Бетис» таркибида барча мусобақаларни инобатга олган ҳолда етти ўйинда майдонга тушиб, икки марта гол урди ва бир марта голли узатма берди.
Изоҳлар (0)