"Тоттенхэм" Бэйлга Бундеслигадан ўринбосар топди

"Штутгарт" ярим ҳимоячиси Николас Гонсалес "Тоттенхэм"нинг қизиқишлар доирасига кириб қолди. Бу ҳақда Sky Sports нашри хабар тарқатмоқда.

Юқоридаги манбага кўра, “шпорлар” 22 ёшли футболчини яқинлашиб келаётган ёзги трансферлар давридаёқ сотиб олмоқчи. Гонсалес "Тоттенхэм"да ижарада ўйнаётган ва яна "Реал"га қайтишни режа қилаётган Гарет Бэйлнинг ўрнини эгаллаши мумкин. Ўз навбатида "Штутгарт" аргентиналик футболчисини 30 миллион еврога баҳоламоқда.

Гонсалес жорий мавсум "Штутгарт" сафида 17 та ўйинда майдонга тушди ва ўз ҳисобига 6 та гол ҳамда 2 та голли узатма ёздириб қўйишга эришди. Унинг немис клуби билан амалдаги шартномаси 2024 йилга қадар имзоланган.