"Тоттенхэм" етакчиси билан шартномасини узайтиришга эришди

"Тоттенхэм" етакчиси Сон Хён Мин билан шартномасини 2026 йилгача узайтиришга муваффақ бўлди. 
 
Фабрицио Романонинг хабарига кўра, "шпорлар" Сон билан 2026 йилнинг ёзига қадар мўлжалланган шартнома бўйича келишувга эришган. Сўнгги кунларда ҳужумчи мавсум сўнггида жамоани тарк этиб, каталониянинг "Барселона" клубига кўчиб ўтишни хоҳлаётгани ҳақида миш-мишлар тарқалган эди. Бироқ, Постекоглу бошчилигидаги жамоа тезда мазкур футболчи билан шартномани янгилаб қўйди. 
 
Кореялик ҳужумчи 2015 йилнинг ёзги трансферлар ойнасида 16 миллион евро эвазига Германиянинг "Байер" клубидан Англияга кўчиб ўтган эди. 
 
Маълумот ўрнида, 32 ёшли футболчи бу мавсум 23 та ўйинда иштирок этиб, 7 та гол ва 6 та голли узатмага муаллифлик қилган. Унинг Тransfermarkt порталидаги нархи 38 миллион евро деб баҳоланмоқда.