"Тоттенхэм" футболчиси ПСЖга қайтмоқчилигини очиқ айтди
"Тоттенхэм" клуби ҳимоячиси Серж Орье яна ПСЖга қайтишга умид қилмоқда.
“Мен фаолиятимни ПСЖда якунлашни режалаштиряпман. Режам шунақа. Ҳар доим шу жамоага мухлислик қилганман ва у ерда мени якунланмай қолган ишларим бор. Болалигимдан "Парк де Пренс"га ўйинларни томоша қилиш учун борардим ва ушбу жамоада ўйнашни орзу қилардим. Севимли жамоангда тўп сурсанг, ҳеч қаерга кетгинг келмайди”, - дейди Орье.
27 ёшли Орье “Тоттенхэм” сафига 2017 йил 25 млн евро эвазига айнан ПСЖдан кўчиб ўтган эди. У жорий мавсум 33 та ўйинда майдонга тушди ва 2 та гол уришга эришди. Унинг “шпорлар” билан амалдаги шартномаси 2022 йилга қадар имзоланган.
Фикрлар