"Тоттенхэм" қимматбаҳо футболчи сотиб олмоқчи

"Тоттенхэм" бош мураббийи Антонио Конте билан янги шартнома имзоламоқчи. Аввалроқ хабар қилинганидек, италиялик мутахассис клуб трансфер бозорида катта сармоя киритса, лондонликлар билан келишув имзолайди. Чунки унинг фикрича, “шпорлар” чемпионлик учун курашиш учун янада кучайиши керак. Контени хурсанд қилиш учун "Тоттенхэм" "Интер"дан Лаутаро Мартинесни сотиб олиши мумкин. Бу ҳақда "Inter Live" нашри хабар бермоқда.

Антонио Конте Лаутаро Мартинесни жуда яхши билади, чунки олдин "Интер"да ишлаган. Аргентиналик футболчи "шпорлар"нинг ҳужумига ранг-баранглик қўшадиган футболчи сифатида кўрилмоқда.

"Тransfermarkt" портали 25 ёшли Лаутаро Мартинесни 75 миллион еврога баҳоламоқда.