Лондоннинг “Тоттенхэм” клуби дарвозабони Уго Льорис жароҳатидан соғайиб, умумий гуруҳ машғулотларига қўшилди. Бу ҳақда клуб расмий сайти хабар тарқатмоқда.

Эслатиб ўтамиз, 34 ёшли франциялик посбон ўтган йилнинг октябридан буён майдонга тушмай келмоқда. У “Брайтон”га қарши ўйинда майдонга нотўғри қулагани боис тирсагини жароҳатлаб олган эди.

Маълумот учун, Льорис жорий мавсум “Тоттенхэм” сафида жами 9 та ўйинда майдонга тушди ва ўз дарвозасидан 17 та гол ўтказиб юборди.

“Тоттенхэм” ўзининг навбатдаги учрашувини 18 январь куни АПЛ доирасида “Уотфорд”га қарши ўтказади.

Матнда хатолик топсангиз, ўша хатони белгилаб, бизга жўнатинг (Ctrl + Enter)