ЦСКАнинг собиқ мураббийи Чанов Файзуллаев ҳақида нима деди?

ЦСКА собиқ устози Вячеслав Чанов Игорь Акинфеев ва Аббосбек Файзуллаевни клубдаги ўтган мавсумнинг энг яхши ўйинчилари деб атади.

— ЦСКАда кимни мавсумнинг энг яхши футболчиси деб атаган бўлардингиз?
—  Севимли ўзбек футболчимизга айланиб қолган Файзуллаевни алоҳида ажратиб кўрсатишим мумкин. Бу ҳақиқатан ҳам кашфиёт. Клубимизда шундай юлдуз пайдо бўлганидан хурсандман. Бу ёқимли. Мен Акинфеев ва Файзуллаевни энг яхшилари дея оламан.", - деди Чанов "Матч ТВ" телеканалига берган интервьюсида.

Маълумот учун, якунланган мавсумда Файзуллаев барча турнирларда 32 та учрашувда иштирок этиб, 5 та гол урди ва 14 та голли узатмани амалга оширди. Игорь Акинфеев эса ЦСКА сафида 27 та ўйин ўтказди (шундан 9 таси тоза ўйин) ва 34 та гол ўтказиб юборди.