"Turon" klubi taqdimot marosimining joyi o‘zgardi

"Turon" klubi Superligada ishtirok etadi. Shu munosabat bilan joriy yilning 7 mart kuni O‘zbekiston tumani hokimligining anjumanlar zalida mavsumoldi taqdimot marosimi tashkil etiladi. Bu haqda klub matbuot xizmati xabar berdi.

Taqdimot marosimida tarkibga yangi jalb etilgan futbolchilarning tanishtiruv jarayoni, mavsum davomida foydalaniladigan liboslar taqdimoti, jamoaviy fotosessiyalar o‘tkaziladi. Shuningdek, mazkur marosim davomida murabbiylar shtabi ishtirokida matbuot anjumani ham tashkil etiladi. Marosim soat 14:00da boshlanadi.