U-17 жаҳон чемпионати. Бунёд Ҳасанов икки карра чемпион!

Боку шаҳри мезбонлик қилаётган спорт курашлари бўйича ўсмирлар ўртасидаги жаҳон чемпионатида юнон-рум кураши баҳслари ўз якунига етди. -51 кг вазн тоифасида курашган полвонимиз Бунёд Ҳасанов иккинчи бор ушбу ёш тоифасида жаҳон чемпионлигига сазовор бўлди. Шунингдек, Садриддин Тўлқинбоев (-60 кг) бронза медали билан тақдирланди.

Олтин медал:
-51 кг: Бунёд Ҳасанов

Бронза медал:
-60 кг: Садриддин Тўлқинбоев

Бугун кун давомида қизларимиздан 5 нафар курашчимиз саралаш баҳсларида иштирок этади. Шунингдек, Мухлиса Машарипова чемпионлик, Шаҳзода Азимова эса бронза медали учун ўтиш босқичида иштирок этади.

Финал:
-43 кг: Мухлиса Машарипова – Финя Страсх (Германия)

Бронза медали учун:
-65 кг: Шаҳзода Азимова / Ирина Бухтина (Украина) – Палина Брахинетс (Беларус)

Бу ҳақда МОҚ хабар бермоқда.