УЕФА Миллатлар лигасининг финал учрашувини бошқарадиган ҳакам номи эълон қилинди

УЕФА 9 июнь куни бўлиб ўтадиган Миллатлар лигаси финал учрашувини бошқарадиган ҳакамни эълон қилди.

Ташкилот расмий сайтининг хабар беришича Португалия ва Голландия ўртасидаги баҳсни испаниялик машҳур рефри Альберто Ундиано Мальенко бошқариб боради. Таъкидлаш керакки, бу 45 ёшли ҳакам учун фаолиятидаги сўнгги учрашув бўлади.

Эслатиб ўтамиз, Португалия – Голландия ўйини 9 июнь куни Тошкент вақти билан соат 23:45да бошланади.