УЕФА Суперлигага жавоб зарбаси тайёрламоқда

УЕФА Суперлигага жавоб зарбасини беришга тайёрланмоқда. Маълумки, Европанинг ўн иккита энг яхши клублари кўпроқ пул ишлаш имкониятига эга бўлиш учун ҳозирги тизимдан ажралиб чиқди. Улар Англия, Италия ва Испания клубларидир.

RMC Sport веб-сайтида хабар қилинишча, УЕФА Британиянинг инвестиция фонди билан музокаралар олиб бормоқда. Улар бошланғич бюджети 4,5 миллиард еврони ташкил этадиган, аммо 7 миллиардгача ўсиши мумкин бўлган янги Чемпионлар лигаси лойиҳасини муҳокама қилишмоқда.

Шунингдек, УЕФА Суперлигани қўллаб-қувватламаган баъзи клублар, хусусан, "Бавария" ва ПСЖ билан ҳам ушбу режани муҳокама қилмоқда.

Таққослаш учун, янги ташкил этилган Европа Суперлигасига JP Morgan банки 4,6 миллиард фунт сармоя киритади.