УЕФА яна муҳокамани давом эттиради

УЕФАнинг коронавирус бўйича навбатдаги видеоконференцияси қачон ўтказилиши маълум бўлди.

Хабарларга қараганда, видеоконференция 23 апрель кунига режалаштирилган. Унда Европа футболи ва клублар ўртасидаги мусобақалар билан боғлиқ вазият муҳокама қилинади.

21 апрель куни эса УЕФАга аъзо 55 та ассоциация иштирокида ахборот сессияси бўлиб ўтади.

УЕФА март ойида Covid-19 сабаб еврокубокларни тўхтатган ва “Евро-2020”ни қолдирган эди.