Улуғбек Бақоев Норхоновга қандай танбеҳ берди?

Coca Cola Суперлига 4-туридан ўрин олган “Сўғдиёна” ҳамда “Пахтакор” жамоалари ўртасидаги ўйиндан сўнг мезбонлар устози Улуғбек Бақоев учрашув ҳақидаги ўз фикрларини билдириб ўтди.

“Бугун амалдаги чемпионга қарши баҳс олиб бордик. Пандемия боис ўйин ритмини йўқотган эдик. Дастлабки 3 турда 1 очко ишладик. Йигитларга бугунги ўйин учун ташаккур изҳор этаман, қийин учрашувда ғалаба қозондик. “Пахтакор”га ОЧЛ баҳсларида омад тилайман.

Норхоновга нима дедим? Муаммо гол кирита олмаганида эмас, шошилганида. Бундай вазиятларда асло шошма-шошарликка берилиш керак эмас. Бутун жамоа унга ёрдам берди ва Норхонов гол киритиб, ғалаба келтирди. Ўйлашимча, ўзининг хатосини тўғрилай олиш инсоннинг маҳоратини кўрсатиб беради”, - деди Бақоев.