Упамекано: "Мессига қарши ҳимояланиш учун бутун жамоа ишлаши керак"

"Бавария" ва Франция терма жамоаси ҳимоячиси Дайо Упамекано Лионель Мессига қарши ўйнаш тажрибаси ҳақида фикр билдирди.

"Месси — айнан бутун жамоа бўлиб ҳимояланиш керак бўлган футболчи. Унга қарши ўйнаганда футбол теннис эмаслигини тушунасиз. Бу ерда бирга бир курашдан кўра жамоавий ҳаракат, қайта жойлашиш ва шериклар билан ҳамкорлик муҳимроқ.

Унга қарши ҳимояланиш яна шунинг учун қийинки, у майдоннинг барча нуқталарида ҳаракат қилади. Одамлар уни “ўнинчи рақам” деб аташади, аммо у “тўққизлик” вазифасини ҳам бажара олади, қанотда ҳам ўйнайди, ҳатто таянч ярим ҳимоячи ролини ҳам ижро этади.

У бироз жамоадошим Харри Кейнга ўхшайди. Кейн ҳам пастга тушиб, тўпни тақсимлайди ва ўйинни бошқаради.

Жаҳон чемпионати финалида Мессига қарши ўйнаганимизда, унинг ҳаракатларини олдиндан тахмин қилишга эмас, балки жисмоний курашга мажбур қилишга ҳаракат қилдим. Чунки бундай тез фикрлайдиган футболчиларнинг кейинги қадамини башорат қилиш жуда мушкул.

Мен унга яқинроқ ўйнаб, бўш ҳудуд қолдирмасликка уриндим. Аммо бу ҳам осон эмасди, чунки у доим жойини ўзгартиради ва тўп билан ниҳоятда тез ишлайди.

Шундан кейин мен бирга бир вазиятларда Месси ёки бошқа ҳар қандай ҳужумчига қарши қолишдан қўрқмайдиган бўлдим. Буни мен «Ред Булл» тизимида ўйнаган пайтларимда Ральф Рангникдан ўрганганман. Ҳимоячилар бирга бир вазиятларда ишончли ҳаракат қила олиши шарт", — деди Упамекано.