Вадим Абрамов: "Муаммоларимиз етарли"

Cоcа-Cоlа Суперлига 23-туридан ўрин олган АГМК – “Динамо” (4:0) ўйинидан сўнг меҳмонлар устози Вадим Абрамов жамоасидаги муаммолар ва келаси мавсум учун жамоанинг режалари ҳақида берилган саволларга жавоб қайтарди.

“Қисқа қилиб айтсак, ёмон ўйнаяпмиз. Таркиб борасида муаммоларимиз етарли. Қайдномада фақат бир нафар марказий ҳимоячимиз бор эди. Ўнг қанот ҳимоячимиз жароҳат олди. Кейинги ўйинда умуман ҳимоячиларсиз ўйнаймиз шекилли”.

“Чемпионатни охиригача тугатиб олайлик, кейин барча масалаларни муҳокама қиламиз. Раҳбарият билан маълум келишувлар бор, кўрамиз”, - деди Абрамов.

Манба: ЎзПФЛ