"Валенсия" Хуан Матани ортга қайтармоқчи

"Валенсия" хўжайини Питер Лим "Манчестер Юнайтед" хавбеки Хуан Матани жамоага қайтаришни режалаштирмоқда. Бу ҳақда La Razon нашри хабар тарқатмоқда.

Айтиш лозимки, 32 ёшли испаниялик футболчи 2007-2011 йилларда “кўршапалаклар” шарафини ҳимоя қилган. Унинг манкунианликлар билан амалдаги шартномаси шу ёз ўз ниҳоясига етади. Бундан аввалроқ Матага Саудия Арабистони ва “Лацио”дан жиддий қизиқишлар бўлаётгани ҳақида хабарлар тарқалган эди.

Хуан Мата жорий мавсум МЮда 10 та ўйинда майдонга тушди ва 2 та гол уришга эришди.