Валентина Шевченко: "Эҳтимол яна учрашармиз"

Қирғизистонлик собиқ чемпионнинг (23-4) фикрича, фаолиятини якунлаган Аманда Нуньес (23-5) билан учинчи жанг ўтказилиши мумкин.

"Аманда ажойиб жангчи. У ақл бовар қилмайдиган муваффақиятларга эришди, ҳеч ким уни танқид қилишга ва қоралашга журъат қила олмайди. Шунга қарамай, иккинчи жангда ғалаба қозондим, деб ўйлайман.

Нафақат мен, кўпчилик шундай фикрда. Агар у дам олмоқчи бўлса, майли қаршимасман. Эҳтимол, яна учрашармиз", - деди Валентина Шевченко.

Эслатиб ўтамиз, томонлар 2 маротаба тўқнаш келган ва ҳар иккисида ҳам бразилиялик очколар ҳисобига кўра ғалаба қозонган.