Вальверде: "Ҳозир ажойиб формада эканман, ўйинларни ўтказиб юборишга ҳаққим йўқ"

"Реал Мадрид" ярим ҳимоячиси ҳисобланган Федерико Вальверде тиғиз тақвим ва ўзининг жисмоний ҳолати ҳақида гапирди. 
 
— Жисмоний ҳолатинг қандай? 
 
"Мен ҳар доим ўйнашни хоҳлайман, лекин жароҳатларнинг олдини олиш учун қачон дам олиш кераклигини тушунишим лозим. Мураббийлар штаби, шифокорлар ва бутун жамоа билан ўзаро ҳамкорлигимиз жуда самарали. Бугун ўзимни анча яхши ва тўлиқ тайёр ҳис қиляпман – бу уларнинг ютуғи. 
 
Ҳозир мен ажойиб формада эканман, дам олиш ёки ўйинларни ўтказиб юборишга ҳожат йўқ. 
 
— Ўз одатий позициянгга қайтдинг, лекин бутунлай ҳолдан тойган кўриндинг? 
 
"Бир неча ўйиндан сўнг яна ўз позициямга қайтганимдан хурсандман. Якунда мен ҳар доим Анчелоттининг қарорларига бўйсунишга тайёрман. Албатта, мен ярим ҳимояда ўйнашни афзал кўраман – у ерда ўзимни қулайроқ ҳис қиламан. Очиғи, марказга қайтган ўйинларимдан завқ олдим. Муҳими, биз ғалаба қозондик ва энг асосий нарса ҳам шу" - дея таъриф бериб ўтди уругвайлик хавбек.