Вальверде Тчуамени билан жанжал вақтида боши билан столга урилиб, ёриб олди

Мадриднинг "Реал" клуби ярим ҳимоячиси Орельен Тчуамени 6 май, чоршанба куни улар ўртасида юз берган можаро учун кечирим сўраш мақсадида бугунги машғулот пайтида жамоа сардори Федерико Вальвердега қўл узатди. Бироқ уругвайлик футболчи қўл бериб кўришишдан бош тортди. Шундан сўнг ўйинчилар ўртасида кескинлик кучайиб, яна жанжал бошланди. Бу ҳақда Cadena Ser хабар берди.

Манба маълумотларига кўра, Тчуамени ва Вальверде ўртасидаги тўқнашувнинг энг юқори нуқтаси "Реал"нинг кийиниш хонасида содир бўлган. Ўйинчилар ўртасидаги тўқнашув натижасида "қаймоқлилар" сардори полга йиқилиб тушди ва марказий столга урилиб, бошини ёриб олди.

6 май, чоршанба куни Marca нашри Тчуамени ва Валь верде аллақачон муштлашувга яқин қолганини хабар қилди. Маълум қилинишича, воқеа ўйин эпизодларидан бирида йўл қўйилган қоидабузарликдан сўнг содир бўлган, натижада футболчилар бир-бирини турткилай бошлаган.