"Вазн пойгаси" спортчиларнинг ўлимига сабаб бўляптими?

UFC жангчиси Аллан Насиментонинг фожиали ўлимидан сўнг "вазн пойгаси"нинг хавфлилиги ҳақидаги гаплар яна авж ола бошлади. Гарчи бразилияликнинг ўлими сабаблари кўрсатилмаган бўлса-да, баъзи шифокорлар айнан шу фикрни илгари сурмоқда. 

Билмаганлар учун маълумот: 1988 йилгача айнан жанг куни тарозидан ўтиларди. Жараён тахминан соат 12:00 да ўтказилса, кечқурун спортчилар рингга чиқишарди.

Сиз суратда кўриб турган боксчи (чапда) – 21 ёшли Томми Хёрнс. У 66 кг да чемпионлик жангида иштирок этяпти. Бу 185 сантиметрлик мушакли чарм қўлқоп устаси ўз вазнида ҳаракат қилганига ишонасизми? "The New York Times" нашрининг ёзишича, у эрталаб саунада ўтириб, сўнгги килограммини эриб кетгунича ташлаган. Соат 12:00 да вазн ўлчаб, тахминан 22:00 – 23:00 да жаҳон чемпиони бўлган.

Яна бир бор: суратда бир хил вазндаги икки боксчи жанг куни вазн ўлчашди. Бу Хёрнсни генетик устунликдан маҳрум қилдими?! Йўқ. Бироқ, бу соғлиқ учун хавфларни бир неча баробар оширди, чунки орқа мия суюқлиги йўқолиши фонида мия зарбаларни яна-да қаттиқроқ ҳис қилади.