"Vest Xem" gol urish bo‘yicha rekord o‘rnatdi

O‘tgan mavsum Angliya Premier-ligasidan tushib ketgan Londonding «Vest xem» jamoasi quyi liga bahslarini ham muxlislar kutganidek emas, ancha omadsiz boshlagan edi. 

Ammo navbatdagi uchrashuvda «bolg‘aurarlar» nihoyat o‘z o‘yini topdi va bechora «Reksham» darvozasiga olti marta javobsiz gol urdi. 

Qiziqi shundaki, London klubi safida kiritilgan barcha olti gol muallifi har xil futbolchilar bo‘ldi. Bu «Vest Xem» tarixida ilk marta qayd etilgan holat: chempionat doirasidagi (qaysi liga bo‘lishidan qat’i nazar) bir o‘yinda birdaniga olti nafar turli o‘yinchi gol urishga muvaffaq bo‘ldi.