Виктор Кумиков: Кубок баҳсларида барча жамоаларнинг имкониятлари тенг

Яқинда Ўзбекистон Coca-Cola Кубоги гуруҳ баҳсларига қуръа ташланганидан хабардорсиз. Унга кўра, Суперлигада ҳали ғалаба нималигини билмай келаётган “Андижон” “А” гуруҳида АГМК, “Металлург” ва “Навбаҳор” билан куч синашадиган бўлди. Бу борада андижонликлар устози Виктор Кумиков қуйидагиларни айтди:

- Кубок ва чемпионат баҳслари бир-биридан фарқ қилади. Биз эса, Ўзбекистон Кубогида яхшироқ натижалар кўрсатишга уриниб кўрамиз. Умуман олганда, гуруҳимизда барча иштирокчиларнинг имкониятларини тенг баҳолаган бўлардим. Ҳар бир жамоада кейинги босқичга чиқиш учун имконият бор. Муҳими, футболчиларимизни учрашувларга муносиб тайёрлашга ҳаракат қиламиз. Ўйлайманки, Кубок доирасида ҳам қизиқарли ўйинларнинг гувоҳи бўламиз, - деди Кумиков.

Фикрлар

Фикр қолдириш учун авторизациядан ўтинг!