Виллиан

"Челси" клуби ярим ҳимоячиси Виллиан тез орада жамоани тарк этиши мумкин. Бу ҳақда The Guardian нашри хабар берди.

Манбанинг маълум қилишича, 31 ёшли хавбек "аристократлар"нинг 2 йиллик янги шартнома борасидаги таклифини рад этиб, «Арсенал» билан музокара ўтказмоқда.

Виллиан "Челси" билан шартнома борасида келиша олмади. Чунки бразилиялик футболчи клубдан 3 йиллик битим талаб қилмоқда. "Арсенал" эса унинг талабини қондиришга тайёр. 

Бош мураббий Фрэнк Лэмпард Виллианни жамоада сақлаб қолмоқчи. Бироқ клуби раҳбарияти 3 йиллик шартномага қарши.

"Барселона" ҳам Виллианга 3 йиллик шартнома таклиф қилмоқда. Аммо бразилияликнинг Каталонияга ўтиш имконияти анча паст.

Футболчи «Челси» сафида 2013 йилнинг август ойидан бери фаолият юритмоқда. У икки марта Англия чемпионлиги ва бир бор кубок соҳибига айланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)