Винисиус: "Биз бу борада машғулотларда кўп ишлаймиз"

ЕЧЛ ярим финалидан ўрин олган "Бавария" - "Реал" учрашувида томонлар дурангга имзо чекди. Дастлаб, Винисиус ҳисобни очган бўлса, Сане имкониятларни тенглаштириб қўйди. Орадан кўп ўтмай Кейн жамоасини олдинга олиб чиқди. Винисиус ҳам пенальтидан гол уриб, ҳисобни тенглаштирди. Ўйиндан кейин эса бразилиялик вингер ўз фикрлари билан ўртоқлашди. 

"Крооснинг паси? Биз бу борада машғулотларда кўп ишлаймиз. Тони ҳар доим менинг гол уришимни осонлаштиради. Жамоанинг савиясидан мамнунман. Биз ўсишимиз керак, лекин шундай давом этсак, муваффақиятга эриша оламиз. Финалга чиқиш вақти келди", - деди Винисиус. 

Жуниорнинг биринчи голида Кроос ажойиб тарзда уни бирга-бира вазиятга чиқариб юборди. Вини эса бундан фойдалана олди. 

Эслатиб ўтамиз, 9 майга ўтар кечаси ушбу баҳснинг жавоб ўйини бўлиб ўтади.