Винисиус Жуниор бизнесменни “ер тишлатди”

Бразилия терма жамоаси ва “Реал” клуби юлдузи Винисиус Жуниор ла-коруньялик бизнесменга қарши ўтказилган судда ғолиб чиқди.

Гап шундаки, бизнесмен 2018 йили футболчининг номи кўрсатилган брендни рўйхатдан ўтказган. Аммо Винисиуснинг ўзса, ундан бир йил аввал Vinicius Jr савдо маркасини ўз номига расмийлаштирган эди.

Sport.es сайтининг маълум қилишича, судга тортилган бизнесмен ўз позициясини ҳимоя қилиш жараёнида брендни рўйхатдан ўтказиш чоғида Винисиус Жуниор ҳали кенг оммага танилмагани ва бу номнинг футболчига боғлиқлик жойи йўқлигини иддао қилган.

Бу бизнесмен 2023 йилда ҳам Винисиус Жуниор билан судлашган ва бренд номини Рим  империяси ва ўзининг оилавий келишиб чиқиши тарихига боғлашган уринган эди. Ўшанда ҳам суд унинг важларини қабул қилмаган.

Ла-Корунья ва Провинциал судлар ҳам Винисиус Жуниорнинг даъвосини қондириш бўйича қарор чиқариб, бизнесменга бренд регистрациясини бекор қилишга ва суд харажатларини тўлаш мажбуриятини юклади.