Винисиус клуб президентини ўлдириб қўйди

Футболчи Винисиус Корсини қотилликда гумон қилиниб, Бразилия полицияси томонидан ҳибсга олинган. Бу ҳақда "Globo Esporte" нашри хабар бермоқда.

Таъкидланишича, Винисиус ўзининг собиқ клуби президенти Хосе Оливейра билан келиша олмай қолган. Можаро натижасида футболчи 58 ёшли президентга пичоқ билан бир неча марта зарба бериб, жароҳат етказди. Натижада, "Национал де Роландиа" президенти касалхонада вафот этди.

Полиция жиноят жойидан қочмоқчи бўлган Корсинини ҳибсга олишга муваффақ бўлди.