Винисиус мундиалдан кейин юзини пластик операция орқали ўзгартирди

Бразилия миллий терма жамоаси ва Мадриднинг “Реал” клуби ҳужумчиси Винисиус Жуниор иягини тузатиш бўйича косметик муолажани ўтказди. Бу ҳақда TMK хабар берди.

Манба маълумотига кўра, футболчи Гояния шаҳридаги клиникалардан бирида ияк гармонизацияси, деб аталувчи муолажани қилдирган. Муолажа Винисиус 2026 йилги жаҳон чемпионатидаги иштирокини якунлаб, Виржиния билан биргаликда Европага таътилга жўнаб кетганидан кейин амалга оширилган.

Жаҳон чемпионатида Бразилия терма жамоаси 1/8 финалда Норвегияга 1:2 ҳисобида мағлуб бўлиб, мусобақани тарк этган эди.

Шундан кейин Винисиус дам олишга чиқди ва кейинчалик ташқи кўринишига ўзгартиш киритишга қарор қилди.

“Реал” янги мавсумдаги биринчи расмий учрашувини 22 август куни меҳмонда “Эспаньол”га қарши Испания чемпионати доирасида ўтказади.