Винисиус тезроқ якуний қарорга келмаса, "Реал" у билан хайрлашади

Мадриднинг "Реал" клуби раҳбарияти Винисиус Жуниорнинг вакилига янги шартнома шартларини энди яхшиламаслигини маълум қилди. Бразилиялик футболчи аввал таклиф қилинган шартномани имзолайди ёки 2026 йилнинг ёзида сотувга қўйилади. Бу ҳақда Madrid Zone Х ижтимоий тармоғида Le Journal du Real онлайн нашри маълумотларига таяниб хабар берди.

Винисиуснинг "Реал" билан амалдаги шартномаси 2027 йилнинг июнь ойи охиригача мўлжалланган. Жорий мавсумда бразилиялик ҳужумчи клуб миқёсида 28 та ўйинда майдонга тушиб, 6 та гол урди ва 8 та голли узатмани амалга оширди.

Transfermarkt интернет портали Винисиуснинг бозор нархини 150 млн еврога баҳоламоқда.