Винисиус ва Маффео ўртасида яна кескин баҳс юз берди

Ла Лиганинг 30-туридаги "Мальорка" – "Реал" учрашувида Пабло Маффео ва Винисиус Жуниор ўртасида яна кескин вазият кузатилди.

"Movistar" камералари тасвирга олган ҳолатда бразилиялик вингер тўқнашувдан қочганидан кейин рақиби олдига келиб, "Мен сени ўлдираман", дея кескин гап айтган.

Яна бир эпизодда Маффео Винисиусни туртиб юбориб, "Сенга нима бўлган?" деб мурожаат қилган. Бу ҳаракат учун у сариқ карточка олди. Шундан кейин испаниялик футболчи рақибига яна мурожаат қилиб, "Бунчалик жонга тегма. Сен жуда йиғлоқсан", деган.

Эслатиб ўтамиз, ушбу учрашувда "Мальорка" "Реал"ни 2:1 ҳисобида мағлуб этди.