Виржил ван Дейк келажагига ойдинлик киритди

“Ливерпуль”нинг етакчи ҳимоячиси Виржил ван Дейк шартномасини узайтириш ҳақидаги саволларга жавоб берди. 
 
“Мен ҳозирда бор эътиборимни ўйинимга ва клубимга қаратганман. Шу билан бирга барча чемпионатларда муваффақиятга эришишни мақсад қилиб қўйганмиз. Агарда шартномамни узайтиришим ҳақида сўрасангиз, мен бундан хотиржамман деб жавоб бераман. Биз ҳали клуб билан бу масалани муҳокама қилмадик” – деди нидерландиялик ҳимоячи. 
 
Мазкур фулбекка бир неча кун олдин эса Мадриднинг "Реал" клуби қизиқиш билдиргани ҳақида хабарлар тарқалган эди. 
 
Эслатиб ўтамиз, 33 ёшли марказий ҳимоячи 2017 йилнинг қишки трансферлар ойнасида “Саутгемптон” клубидан мерсесайдликлар сафига келиб қўшилган эди. Ушбу пайт мобайнида 295 та учрашувда иштирок этиб, 25 та гол ва 13 та голли узатмага муаллифлик қилган.