Волкановскидан Чимаев - Усман жангига супер тахмин!

Ярим енгил вазн тоифаси чемпиони Александр Волкановски Чимаев - Усман жангига тахминларини билдирди.

"Усман ва Чимаев UFC 294 доирасида жанг қилади, ишонаверинг, бизни ақл бовар қилмайдиган тўқнашув кутиб турибди. Очиғи мана шундай турнирда мен ҳам жанг қилишимга ишонгим келмайди.

Мазкур тўқнашув ғолиби кейинги жангида чемпионлик учун октагонга чиқади. Чимаев - Стрикленд шафқатсиз кураш тақдим этади, аммо Усман ҳам чемпионлик жангига лойиқ. Чунки, у аввал Стриклендни ярим ўрта вазнда мағлуб этган.

Ҳамзат курашда унча кучли, лекин биламизки, Усман ҳам партерда анча мукаммал. Вақтида Ковингтон ҳам уни йиқита олмади. Камару ўзи ҳам тейк даунларни кўп амалга оширади. Шуни инобатга олиб, Чимаев - Усман жангини "стойка"да ўтишини тахмин қилиш мумкин.

Ҳамзат Усмандан кўра анча тезкор,ким ғалаба қозонишини аниқ айтолмайман. Аммо Камару чарчаб қолса, нокаутга учраши тайин", - деди Волкановски.

Эслатиб ўтамиз, Чимаев - Усман тўқнашуви 21 октябрь куни Абу-Дабида бўлиб ўтадиган UFC 294 турнири "co main event"ида ўтказилади.