Хави “Барса”нинг кейинги трансферини эълон қилди

Чемпионатни иккинчи ўринда якунлаган “Барселона” бош мураббийи Хави Эрнандес клуб раҳбарияти келаси мавсум олдидан таркибни кучайтириш учун “Вулверхэмптон” ярим ҳимоячиси Рубен Невешни трансфер қилишини истаяпти.

25 ёшли футболчи якунланган мавсумда жами 36 та баҳсда қатнашиб, тўртта гол ва иккита ассист муаллифи бўлди.

Португалиялик чарм тўп устасининг “бўрилар” билан келишуви яна икки йил давом этади. Каталонияликлар уни олиб келиш учун 40 миллион евро миқдорида бадал пули тўлаши керак.

“Вулверхэмптон” бу ярим ҳимоячини  2017 йилда “Порту”дан 17 миллион еврога сотиб олган эди.