Хави саудияликлар Гюндоғанни чақираётганига муносабат билдирди

Ўтган ёз “Барселона” ўз сафига “Манчестер Сити” сардори Илкай Гюндоғанни қўшиб олган эди. Энди Саудия Арабистони клублари германиялик футболчини трансфер қилишга уринаётгани ҳақида маълумотлар тарқатилмоқда.

Каталония клуби бош мураббийи Хави Эрнандес тажрибали футболчи атрофида бўлаётган хабарларга ўз муносабатини билдирди.

- Гюндоған Саудияга кетаётгани жиддийми? Буни кимдир айтган бўлса керак? Лекин нега Илкай ҳозир Барселонадан ўзига уй қидираётган экан?, - деди Хави Эрнандес.

Эслатиб ўтамиз, Илкай Гюндоғаннинг ўзи яқинда келажакда “Галатасарой” учун тўп тепишни орзу қилишини, лекин ҳозир бор эътиборини “Барселона”га қаратаётгани ҳақида гапирган эди.