Хави Симонс МЮга ўтиши мумкин эди

"Манчестер Юнайтед" ёзда Хави Симонсни сотиб олишга ҳаракат қилган.

Журналист Лоик Тансининг ёзишича, ПСЖ манкунианликлар ва "Лейпциг"дан йирик таклифлар олган. Бироқ уларни қабул қилмаган. Бунинг сабаби шундаки, пул ПСВга ўтказилиши керак эди - бу Симонс 2022/23 йилги мавсумда ўйнаган Нидерландия билан келишув шартларида кўрсатилган. 

Футболчи қайта сотилган тақдирда товон тўлаш тўғрисидаги банд маълум санагача амал қилган.

Охир-оқибат ПСЖ Симонсни "Лейпциг"га ижарага беришга қарор қилди. Бундеслигадаги 7 ўйинда 20 ёшли ярим ҳимоячи 3 та гол уришга муваффақ бўлди.