Хави “Сити”да ўйнаган футболчини кутяпти

“Барселона” раҳбарияти таркибни янада кучайтириш имкониятларини кўриб чиқмоқда. Каталонияликлар Испания чемпионатида “Жирона” шарафини муносиб ҳимоя қилаётган Алеш Гарсияни ўз таркибга қўшиб олмоқчи.

Бош мураббий Хави Эрнандес 26 ёшли футболчи ёрдамида майдон марказини кучайтиришни мўлжаллаган.

Алеш Гарсия кўпчиликнинг эътиборига “Манчестер Сити”да ўйнаган кезлари тушган эди.

Ярим ҳимоячи “Жирона”га 2021 йилнинг ёзида кўчиб ўтган. Айни пайтда унинг трансфер суммаси 20 миллион еврога баҳоланяпти. Клуб нархни туширмоқчи эмас. Каталонияликлар эса, трансферга ўз тарбияланувчиларини қўшиш орқали суммани пасайтиришга уриняпти.

“Жирона” мутасаддилари “Барселона”нинг бир неча тарбияланувчисини кузатиб келяпти. Бироқ Гарсияга белгиланган нархни арзонлатмоқчи эмас.