Хави яна икки ўйинчига чиқиш эшигини кўрсатиб қўйди

“Барселона” бош мураббийи Хави Эрнандес ўзига керак бўлмай қолган футболчилар рўйхатини тобора кенгайиб бормоқда.

Испаниялик мутахассис жамоани тарк этиши керак бўлган яна икки ўйинчи номини ошкор қилди. Унга кўра, франциялик ҳимоячи Самюэль Умтити ва даниялик ҳужумчи Мартин Брэйтуэйт ўзига янги жамоа танлашига тўғри келади.

Умтити анчадан бери асосий таркибга киритилмаяпти. Тажрибали ҳимоячи ўтган мавсум атиги бир бор майдонга тушди.

Брэйтуэйт эса, тўртта учрашувда иккита гол ва битта ассист муаллифи бўлди. Шунга қарамай, мураббийлар штаби бу ўйинчининг хизматига эҳтиёж сезаётгани йўқ.