Хавига Англия суперклубидан иш чиқди

Каталониянинг “Барселона” клуби бош мураббийлигини тарк этганидан бери ишсиз юрган Хави Эрнандес Англия Премьер-лигасида иш бошлаши мумкин.

Испаниялик мутахассис “Челси”дан истеъфога чиқарилиши кутилаётган Энцо Маресканинг ўрнини эгаллаши кутилмоқда.

Бу ҳақда Football Insider хабар бермоқда.

Манба маълумотларига кўра, Энцо Мареска клуб раҳбарияти билан чиқиша олмаётгани туфайли уларни матбуот орқали танқид қиляпти. Лондон клуби раҳбарияти Энцо Маресканинг охирги пайтдаги хулқ-атвори ва муносабатидан норози. Хусусан, Мареска жамоани ҳамма ҳам қўллаб-қувватламаётгани ҳақида билдирган фикрлари клубда салбий қабул қилинган.

45 ёшли Хави 2021–2024 йиллар оралиғида каталон клубини бошқарган. Испаниялик мутахассис ишдан бўшатилганидан бери бўш юрибди.