Хайрулло Бозоров: "Фарғонани – Ўзбекистоннинг футбол пойтахти қиламиз"

"Нефтчи" клуби 24 йиллик танаффусдан кейин чемпионликка эришгач, Фарғона вилояти ҳокими Хайрулло Бозоров стадионда нутқ сўзлаб, вилоятни ўзбек футболи пойтахтига айлантиришни мақсад қилганини айтди.

"Бугун – қарийб чорак аср, аниқроғи 24 йил кутилган кун. Бу тарихий ғалаба билан "Нефтчи" жамоамиз ўз тарихидаги 6-чемпионликни расмийлаштирди ва бу билан барчангизни чин юракдан табриклайман. Бунинг замирида энг аввало муҳтарам президентимиз­нинг мамлакатимизда футболни ривожлантиришга қаратётган юксак эътиборлари натижасидир. Энг асосийси, футболда адолат, шаффофлик, ҳалоллик тамойиллари қарор топди.

2026 йил – катта футбол йили бўлади, илк бор миллий ҷамоамиз жаҳон чемпионатида иштирок этади. Фурсатдан фойдаланиб, футболга берилаётган юксак эътибор учун президентимизга бутун Фарғона номидан миннатдорчилик билдирмоқчиман. Футболимиз ривожига катта ҳисса қўшаётган ЎФА ва ПФЛ раҳбариятига ҳам миннатдорчилик билдирамиз.

"Нефтчи"нинг чемпионлик йўлида водийга катта футбол қайтаяпти деб, жамоамизни қўллаб-қувватлаган фарғоналик мухлисларга, қолаверса, қўшни Наманган ва андийонлик мухлисларга ҳам рахмат айтаман.

Мана, Равшан ака Эрматов қаршимизда турибдилар, вилоятимиздан Суперлигада "Нефтчи" ва "Қўқон-1912", Про Лигада "ФарДУ", Биринчи Лигада ҳам жамоаларимиз бор. "Қўқон-1912" жамоасини ҳам келаси йил ғолиб ва совриндорлар қаторига олиб чиқишни ният қиляпмиз. Насиб қилса, Фарғонани – Ўзбекистоннинг футбол пойтахти қиламиз", - деди вилоят ҳокими.