Хитой клуби Манжукичга йилига 9 млн евро маош таклиф қилмоқда

Хитойнинг "Гуанчжоу Фули" клуби "Ювентус" форварди Марио Манжукични сотиб олишни режалаштирмоқда. Бу ҳақда La Gazzetta dello Sport нашри мухбири Николо Скира ўзининг Твиттердаги саҳифасида эълон қилди.

Юқоридаги манбаага кўра хитойликлар 33 ёшли хорватиялик футболчига 2 йиллик шартнома ва йилига 9 млн евро маош таклиф қилишмоқда.

Ўз навбатида “кекса синьора” Манжукични 10 млн евро эвазига қўйиб юборишга тайёр.

Эслатиб ўтамиз, “Ювентус” Манжукични Чемпионлар лигаси қайдномасига киритмади. У жорий мавсум туринликлар сафида бирорта ўйинда иштирок этмади.