Хитойда жаҳондаги энг чиройли стадионлардан бири қад ростлайди (ФОТО)

"Гуанчжоу Эвергранд" клуби ўзининг уй учрашувларини ўтказадиган стадион қурилиши ишларига старт берилди. Ушбу стадион Хитойдаги энг йирик ареналардан бири бўлиши режалаштирилган.

Ушбу арена ўз бағрига 100 минг мухлисни сиғдира олади. Лойиҳа 2022 йил сўнггида фойдаланилишга топширилиши кутилмоқда. Таъкидланишича, ушбу стадионга 1,56 миллиард евро сарф қилинади.

Маълумот ўрнида Гуанчжоу клубининг битта ўйинига мухлислар ташрифи ўртача 50 мингтани ташкил қилади.